သုဒြာအဖြစ် ခက်ခက်ခဲခဲရိုက်ကူးခဲ့ရတဲ့ ရိုက်ကွင်းနောက်ကွယ်ကဖြစ်ရပ်တွေကို ချပြလိုက်တဲ့ နော်ဖောအယ်ထား

မော်ဒယ်၊ သရုပ်ဆောင် မင်းသမီးချောလေး နော်ဖောအယ်ထားကတော့ ချစ်စရာကောင်းတဲ့ ကချင်တိုင်းရင်းသူလေးတစ်ဦး ဖြစ်ပါတယ်။ ဖက်ရှင်ရှိုးပွဲတွေမှာ ပါဝင်လျှောက်လှမ်းခဲ့ပြီး ကြော်ငြာနဲ့ သီချင်းဗီဒီယိုတွေ ရိုက်ကူးအောင်မြင်ခဲ့တဲ့ နော်ဖောအယ်ထားက အခုဆိုရင် ဇာတ်လမ်းတွဲလေးတောင် ရိုက်ကူးနေရပြီ ဖြစ်ပါတယ်။ လက်ရှိမှာလည်း နော်ဖောအယ်ထားက " ပျောက်ဆုံးနေသော အမှန်တရား " ဇာတ်လမ်းတွဲလေးနဲ့ ပရိသတ်တွေရဲ့အားပေးမှုရရှိနေပါတယ်။

ဒီဇာတ်လမ်းတွဲလေးမှာတော့ လူမင်း၊ ကောင်းမြတ်စံ၊ ထူးအောင်၊ အောင်ရဲထိုက်၊ မေမြင့်မိုရ်၊ နော်ဖောအယ်ထားနဲ့ အခြားအနုပညာရှင်တွေ စုံစုံလင်လင်ပါဝင်သရုပ်ဆောင်ထားတာ ဖြစ်ပါတယ်။ နော်ဖောအယ်ထားက သုဒြာဆိုတဲ့ သရဲမလေးအဖြစ် ပီပီပြင်ပြင်နဲ့ အကောင်းဆုံးသရုပ်ဆောင်ပြခဲ့တာ ဖြစ်ပါတယ်။ နော်ဖောအယ်ထားအနေနဲ့ ဒီဇာတ်ရုပ်လေးကို ခက်ခက်ခဲခဲနဲ့ အပင်ပန်းခံပြီး ရိုက်ကူးခဲ့ရတာလည်း ဖြစ်ပါတယ်။

အခုလည်း နော်ဖောအယ်ထားက " ခဏတာ သုဒြာဖြစ်ခဲ့တဲ့ မေ့မရတဲ့ အမှတ်တရတွေ " ဆိုပြီး ရိုက်ကွင်းနောက်ကွယ်က ပုံရိပ်လေးတွေနဲ့ ဗီဒီယိုလေးတွေကို တင်ထားတာ ဖြစ်ပါတယ်။ နော်ဖောအယ်ထားက ကြောက်မက်ဖွယ်ကောင်းတဲ့ အပြင်အဆင်တွေနဲ့ သရုပ်ပီပြင်အောင် ကြိုးစားပမ်းစားရိုက်ကူးခဲ့ရတာပဲ ဖြစ်ပါတယ်။ ကဲ ချစ်ပရိသတ်တွေအတွက် " ပျောက်ဆုံးနေသော အမှန်တရား " ဇာတ်လမ်းတွဲလေးနောက်ကွယ်က နော်ဖောအယ်ထားရဲ့ဗီဒီယိုနဲ့ ပုံရိပ်လေးတွေကို ပြန်လည်မျှဝေပေးလိုက်ပါတယ်နော်။

Photo & Video Credit-Naw Phaw Eh Htar's FB