ရခိုင်ပြည်နယ်အဆင့် MPT အသက် ၁၄ နှစ်အောက် လူငယ်ဘောလုံးပြိုင်ပွဲ၏ အကြိုဗိုလ်လုပွဲစဉ်များအပြီး ၂၀၁၈ ဗိုလ်လုပွဲမှာ ဆုံတွေ့ခဲ့တဲ့ ရသေ့တောင်အသင်းနဲ့ ကျောက်ဖြူ(က)အသင်းတို့ ဗိုလ်လုပွဲအဆင့်ကို ထပ်မံ တက်ရောက်လာနိုင်ခဲ့ပါတယ်။အကြိုဗိုလ်လုပွဲအဆင့်မှာ ကျောက်ဖြူ(က)အသင်းက မောင်တောအသင်းကို အကြိတ်အနယ်ယှဉ်ပြိုင်ကစားပြီး နှစ်ဂိုး၊ တစ်ဂိုးနဲ့ အနိုင်ယူခဲ့တာပဲ ဖြစ်ပါတယ်။
ဒါ့အပြင် ရသေ့တောင်အသင်းကလည်း သံတွဲ(က)အသင်းကို ငါးဂိုး၊တစ်ဂိုးနဲ့ ဂိုးပြတ်အနိုင်ယူပြီး ဗိုလ်လုပွဲကို နှစ်ကြိမ်ဆက် တက်ရောက်နိုင်ခဲ့တာပဲ ဖြစ်ပါတယ်။ပြီးခဲ့တဲ့ ၂၀၁၈ ဗိုလ်လုပွဲမှာ ဒီနှစ်သင်းတွေ့ဆုံထားခဲ့ပြီး ရသေ့တောင်အသင်းက ကျောက်ဖြူ(က)အသင်းကို နောက်ကောက်ချ အနိုင်ယူဗိုလ်စွဲထားခဲ့တာပါ။
ဗိုလ်လုပွဲမှာတော့ လက်ရှိချန်ပီယံရသေ့တောင်အသင်းနှင့် ကျောက်ဖြူ(က)အသင်းတို့ ထိပ်တိုက်တွေ့ဆွုံနေတာပဲ ဖြစ်ပြီး စစ်တွေမြို့၊ ဝေသာလီအားကစားကွင်းမှာ ယှဉ်ပြိုင်ကစားသွားမှာပဲ ဖြစ်ပါတယ်။ ဗိုလ်လုပွဲစဉ်ကိုတော့ အောက်တိုဘာ ၂၉ ရက် ညနေ ၃း၃၀တွင် ကစားကြမှာဖြစ်ပြီး MNL FBမှာ ထုတ်လွှင့်ပြသမှာဖြစ်ပါတယ်။
source: MNL ' s facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
