လုံလုံခြုံခြုံဖက်ရှင်လေးနဲ့မှ အေးချမ်းတည်ငြိမ်တဲ့အလှတွေကပေါ်လွင်ပြီး အားလုံးငေးအောင်လှနေတဲ့ သင်ဇာဝင့်ကျော်

အမိုက်စားပွဲတက်ဖက်ရှင်တွေနဲ့ Social Media ထက်မှာ အားလုံးရဲ့စိတ်ဝင်စားမှုကို အရယူထားသူကတော့ မင်းသမီးချော သင်ဇာဝင့်ကျော်ပဲ ဖြစ်ပါတယ်။ သင်ဇာဝင့်ကျော်ကတော့ သူမတူအောင်အပြတ်လန်းလွန်းတဲ့ ဖက်ရှင်တွေကို ယုံကြည်မှုရှိရှိနဲ့ ဝတ်စားဆင်ယင်လေ့ရှိတာ ဖြစ်ပါတယ်။ ဘယ်လိုနေနေလှနေတဲ့ သင်ဇာကတော့ ပရိသတ်တွေရဲ့ချစ်ခြင်းမေတ္တာကို အပြည့်အဝရရှိပိုင်ဆိုင်ထားတာပဲ ဖြစ်ပါတယ်။

အနုပညာလှုပ်ရှားမှုအနေနဲ့ကတော့ လတ်တလောမှာ သင်ဇာက ပွဲအခမ်းအနားတွေတက်ရောက်နေရသလို မြမြရုပ်ရှင်ဇာတ်ကားကြီးကိုလည်း ရိုက်ကူးနေတာပါ။ ဒီနေ့နိုဝင်ဘာလ (၁၇)ရက်နေ့မှာတော့ သင်ဇာက '' The Traveller '' ပွဲလေးကို တက်ရောက်လာခဲ့ပါတယ်။ အနက်ရောင်ဖက်ရှင်နဲ့ပွဲတက်လာတဲ့ သင်ဇာက အရမ်းကိုလှပနေတာပဲ ဖြစ်ပါတယ်။

ဒီပွဲလေးမှာတော့ သင်ဇာက လုံလုံခြုံခြုံဖက်ရှင်လေးနဲ့ ရိုးရှင်းလှပစွာ ဝတ်စားဆင်ယင်ထားတာပဲ ဖြစ်ပါတယ်။ ဒါကြောင့်လည်း အေးချမ်းတည်ငြိမ်တဲ့သူမရဲ့အလှအပတွေက ပေါ်လွင်ပြီး ကျက်သရေရှိရှိလှနေတာပဲ ဖြစ်ပါတယ်။ ကဲ ချစ်ပရိသတ်တွေအတွက် မင်းသမီးချော သင်ဇာဝင့်ကျော်ရဲ့ပွဲတက်အလှပုံလေးတွေကို ပြန်လည်မျှဝေပေးလိုက်ပါတယ်နော်။

Photo Credit- Amazing Grace