ကျွန်တော့်ရဲ့သူမနဲ့ ရွှေရောင်အိပ်မက်မက်ခွင့်ရပြီပေါ့ဆိုပြီး ခြူးလေးနဲ့ပုံလေးတွေကိုထုတ်ပြလိုက်တဲ့ဘုန်းရှိန်ခန့်

သရုပ်ဆောင် မင်းသားချောလေး ဘုန်းရှိန်ခန့်ကတော့ MRTV - 4 ရုပ်သံဇာတ်လမ်းတွဲလေးတွေနဲ့ ပရိသတ်တွေရဲ့အားပေးမှုကို ရရှိထားတာ ဖြစ်ပါတယ်။ အိုက်တင်ပီပြင်ပြီး သရုပ်ဆောင်ကောင်းတဲ့ ဘုန်းရှိန်ခန့်က ဇာတ်ရုပ်မျိုးစုံကို ပိုင်ပိုင်နိုင်နိုင်နဲ့ သရုပ်ဆောင်ပြလေ့ရှိတာ ဖြစ်ပါတယ်။ ဘုန်းရှိန်ခန့်က " ချစ်ရပါသောနွေ၊ စိတ်၏ခြေရာ၊ ပျားရည်အိုင်၊ ပုဂံမြို့သူ " စတဲ့ဇာတ်လမ်းတွဲလေးတွေကို ရိုက်ကူးခဲ့တာ ဖြစ်ပါတယ်။

ယခုလက်ရှိ MRTV - 4 မှာ ထုတ်လွှင့်ပြသနေတဲ့ " နွေလယ်ညရဲ့လမင်း " ဇာတ်လမ်းတွဲလေးမှာလည်း ဘုန်းရှိန်ခန့်က အဓိကဇာတ်ဆောင်အဖြစ် ပါဝင်သရုပ်ဆောင်ထားပါတယ်။ ဘုန်းရှိန်ခန့်က နွေဦးဆိုတဲ့ ကောင်လေးတစ်ယောက်အဖြစ် မင်းသမီးချောလေး ခြူးလေးနဲ့တွဲဖက်ပြီး သရုပ်ဆောင်ထားတာပဲ ဖြစ်ပါတယ်။ အခုလည်း ဘုန်းရှိန်ခန့်က ဒီဇာတ်လမ်းတွဲလေးထဲက ခြူးလေးနဲ့ရိုက်ကွင်းပုံရိပ်လေးတွေကို မျှဝေထားပါတယ်။

ဘုန်းရှိန်ခန့်က " ကျွန်တော့်ရဲ့သူမနဲ့ရွှေရောင်အိပ်မက် မက်ခွင့်ရပြီပေါ့။ နွေဦး စိုးစန္ဒာ #နွေလယ်ညရဲ့လမင်း " ဆိုပြီး မင်္ဂလာစုံတွဲလေးတွေအဖြစ် လိုက်ဖက်ညီစွာ ရိုက်ကူးထားတဲ့ပုံလေးတွေကို ထုတ်ပြလိုက်တာပဲ ဖြစ်ပါတယ်။ ပရိသတ်တွေကတော့ ဘုန်းရှိန်ခန့်နဲ့ ခြူးလေးတို့နှစ်ယောက်ရဲ့ပုံရိပ်လေးတွေကို သဘောကျနေကြတာဖြစ်ပါတယ်။ ကဲ "နွေလယ်ညရဲ့လမင်း" ဇာတ်လမ်းတွဲလေးမှာ ပါဝင်သရုပ်ဆောင်ထားတဲ့ ဘုန်းရှိန်ခန့်နဲ့ ခြူးလေးရဲ့ပုံလေးတွေကို ပြန်လည်မျှဝေပေးလိုက်ပါတယ်နော်။

Photo Credit- PhomeShein Khant's FB