အကြိမ် (၃၀)မြောက်အရှေ့တောင်အာရှ အားကစားပြိုင်ပွဲ အမျိုးသမီးဘောလုံး အုပ်စု(က)နောက်ဆုံး ပွဲစဉ်အဖြစ် မနေ့ညကတော့ မြန်မာ့လက်ရွေးစင် အမျိုးသမီးအသင်းနှင့် မလေးရှားလက်ရွေးစင် အမျိုးသမီး တို့ ယှဉ်ပြိုင်ကစားခဲ့ပြီး မြန်မာ့လက်ရွေးစင် အမျိုးသမီးအသင်းက (၅-ဝ) ဂိုးဖြင့် အနိုင်ရရှိခဲ့ကာ ဆီမီးဖိုင်နယ်အဆင့်သို့ အုပ်စု ပထမနေရာမှ တက်ရောက်နိင်ခဲ့ပါတယ်။
မြန်မာ့လက်ရွေးစင် အမျိုးသမီးအသင်း နည်းပြချုပ် ဦးဝင်းသူမိုးက "အုပ်စုပထမနေရာကနေ နောက်တစ်ဆင့်ကို တက်ရောက်နိုင်ခဲ့လို့ ကျေနပ်ပါတယ်။ ဒီနေ့ အဆုံးသတ်ပိုင်းမှာ အနည်းငယ်အားနည်းချက်ရှိပြီး ဆီမီးဖိုင်နယ်မှာအကောင်းဆုံးပြင်ဆင်သွားမှာပါ။ ကစားသမားတွေ ၅ရက်အနားရတာကြောင့် အနည်းငယ်လေးလံနေပါတယ်။ ကျွန်တော်တို့အနေနဲ့ ထိုင်းအသင်းနဲ့ ဆီမီးဖိုင်နယ်မှာ ယှဉ်ပြိုင်ချင်လို့ ပွဲကို ချိန်ပြီးကစားနေခဲ့ပါတယ်။
" နောက်ဆုံးအချိန်မှာ သတ်မှတ်တဲ့ဂိုးရအောင်ယူပြီး နောက်တစ်ဆင့်ကို တက်ရောက်နိုင်ခဲ့တာပါ။ ကြိုးစားပေးတဲ့ ကစားသမားအားလုံးကို ချီးကျူးပါတယ်" ဟု ပြောကြားထားခဲ့ပါတယ်။ မြန်မာလက်ရွေးစင်အမျိုးသမီးအသင်းကတော့ ဆီမီးဖိုင်နယ်တက်ရောက်နိုင်ခဲ့ပြီး အုပ်စု(ခ) ဒုတိယနေရာမှ ထိုင်းအသင်းနှင့် ဆီမီးဖိုင်နယ်အဆင့်တွင် တွေ့ဆုံမည်ဖြစ်ပါတယ်။
source: MFF's facebook
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
