အိန္ဒြာကျော်ဇင်သည် ၂၀၀၄ ခုနှစ်၊ အကယ်ဒမီဆု ရရှိထားသည့် ရုပ်ရှင်သရုပ်ဆောင်နှင့် ရုပ်မြင်သံကြား ကြော်ငြာမော်ဒယ်လ် တစ်ဦးဖြစ်သည်။ အပျော်တမ်း ပန်းချီဆရာတစ်ဦးဖြစ်သော အိန္ဒြာကျော်ဇင်သည် မြန်မာ သရုပ်ဆောင်လောကတွင် အကျော်ကြားဆုံးနှင့် အထင်ရှားဆုံး သရုပ်ဆောင်များတွင် တစ်ဦးအပါအဝင်ဖြစ်သည်။
၁၉၇၈-ခုနှစ်၊ ဧပြီလ (၂၄)ရက်နေ့တွင် အဖဦးကျော်ဇင်နှင့် အမိ ဒေါ်မြသီတာတို့မှ ရန်ကုန်မြို့တွင် မွေးဖွားခဲ့သည်။ ငယ်နာမည် အူဝဲဖြစ်ပြီး မောင်နှမသုံးအနက် အငယ်ဆုံး ဖြစ်သည်။ အိန္ဒြာကျော်ဇင်သည် ဒဂုန်တာရာ (စာရေးဆရာ)၏ တူမဖြစ်ပြီး ရဲဘော်သုံးကျိပ်ဝင် ဗိုလ်ဇေယျ၏ မြေးလည်းဖြစ်သည်။ ရာဇာနေဝင်းနှင့်လည်း မောင်နှမ ဝမ်းကွဲ တော်စပ်သည်။ ကောလိပ်ဂျင်နေဝင်းသည် ဦးလေးဖြစ်ပြီး ပိုင်ဇေရဲထွန်းသည်လည်း မောင်နှမဝမ်းကွဲ တော်စပ်သည်။
၂၀၀၀-ပြည့်နှစ်၊ ဇွန်လ (၂၀)ရက်နေ့တွင် ဒါရိုက်တာမီးပွား ရိုက်ကူးသော အိပ်မက်ရာသီ ဇာတ်ကားရိုက်ရာတွင် မတော်တဆ ချော်ကျဒဏ်ရာရသဖြင့် အာရှတော်ဝင်၌ ကုသခဲ့ရသည်။
၂၀၀၄ ခုနှစ်တွင် မျက်နှာများတဲ့ မိုးကောင်းကင် ဇာတ်ကားဖြင့် အကောင်းဆုံး အမျိုးသမီး သရုပ်ဆောင် အဖြစ် မြန်မာ့ ရုပ်ရှင် ထူးချွန်ဆုကို ရရှိခဲ့သည်။ ၂၀၁၁ခုနှစ်၊ဇန်နဝါရီလ (၁)ရက်နေ့တွင် ပြေတီဦးနှင့် လက်ထပ်ခဲ့သည်။
Source: အိန္ဒြာကျော်ဇင်အကြောင်း စွယ်စုံကျမ်း (မှတ်တမ်းတင်ခဲ့သည်အချိန်ကာလအထိမှတ်တမ်းများ)
Aung
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
