ရေချိုးပြီးခါစသဘာဝအလှတရားတွေနဲ့ ပုရိသတွေကိုအချစ်ပိုသွားအောင်ဖမ်းစားလိုက်တဲ့ ပိုပိုရဲ့ဗီဒီယိုဖိုင်လေး

အဆိုတော်မလေး ပိုပိုကတော့ " ချစ်ဖူးခဲ့သမျှ " ဆိုတဲ့သီချင်းအခွေလေးကစလို့ အခုချိန်အထိ သီချင်းကောင်းလေးတွေအများအပြားကို ဖန်တီးသီဆိုခဲ့သူလေး ဖြစ်ပါတယ်။ နားဆင်သူပရိသတ်တွေရဲ့ရင်ထဲထိရောက်အောင် သီချင်းလေးတွေသီဆိုတတ်တဲ့ ပိုပိုက ရုပ်ရည်ရူပါကလည်း အပြစ်ဆိုဖွယ်မရှိအောင် ချောမောလှပနေတာ ဖြစ်ပါတယ်။ ဒါကြောင့်လည်း ပိုပိုလို့ဆိုလိုက်တာနဲ့ ယောက်ျားလေးပရိသတ်တွေက အပြတ်အသတ်ဝန်းရံနေကြတာ ဖြစ်ပါတယ်။

ဂီတလမ်းကြောင်းပေါ်မှာ အောင်မြင်စွာလျှောက်လှမ်းနေတဲ့ ပိုပိုက ရှိုးပွဲတွေနဲ့ ပွဲအခမ်းအနားတွေမှာ ပါဝင်သီဆိုရင်း ဖျော်ဖြေနေရတာ ဖြစ်ပါတယ်။ ပိုပိုက သူမရဲ့အနုပညာလှုပ်ရှားမှုလေးတွေကို အမြဲမျှဝေပေးလေ့ရှိသလို ချစ်စရာ Tik Tok ဗီဒီယိုလေးတွေကိုလည်း မကြာခဏတင်ပေးလေ့ရှိတာ ဖြစ်ပါတယ်။ အခုလည်း ပိုပိုက ပြင်ဆင်ခြယ်သမှုတွေမရှိတာတောင်မှ သဘာဝအတိုင်းလှနေတဲ့ သူမရဲ့ပုံစံလေးနဲ့ Tik Tok ဗီဒီယိုလေးတစ်ခုကို ရိုက်ကူးခဲ့ပါတယ်။

ပိုပိုက "ရေချိူးရမှာ အရမ်းကြောက်လို့ ညမှပေါင်းချိူးတာ " ဆိုပြီး သူမရဲ့ Tik Tok ဗီဒီယိုအသစ်လေးကို မျှဝေလိုက်တာပဲ ဖြစ်ပါတယ်။ ဆံပင်ကေတိုလေးနဲ့တောင် အထာကျကျမိမိုက်ပြီး ဆွဲဆောင်မှုရှိနေတဲ့ ပိုပိုရဲ့အလှကတော့ ကိုကို၊မောင်မောင်တွေ ကြွေမယ်ဆိုရင်လည်း ကြွေလောက်ပါတယ်နော်။ ကဲ ချစ်ပရိသတ်တွေအတွက် အဆိုတော်မလေး ပိုပိုရဲ့ ချစ်စရာ Tik Tok ဗီဒီယိုလေးကို ပြန်လည်မျှဝေပေးလိုက်ပါတယ်နော်။

Photo & Video Credit- ပိုပို's FB