ထိုင်းနိုင်ငံရှိThaiBev ဘောလုံးအကယ်ဒမီသို့ ဟံသာဝတီယူနိုက်တက်အသင်း ပိုင်ရှင်နှင့် တာဝန်ရှိသူများ သွားရောက်လေ့လာခဲ့

မြန်မာနေရှင်နယ်လိဂ်ကလပ်အသင်းတစ်သင်းဖြစ်သည့် ဟံသာဝတီ ယူနိုက်တက်အသင်းသည် ဇန်နဝါရီ ၅ ရက်(ယနေ့)က ထိုင်းနိုင်ငံရှိThaiBev ဘောလုံးအကယ်ဒမီသို့ သွားရောက်လေ့လာခဲ့ပါတယ်။ThaiBev ဘောလုံးအကယ်ဒမီ၏ ဖိတ်ကြားမှုအရ ဟံသာဝတီ ယူနိုက်တက်အသင်းသည် ထိုင်းနိုင်ငံသို့ သွားရောက်လေ့လာခဲ့ခြင်းဖြစ်ပါတယ်။

ယင်းလူငယ်ဘောလုံးအကယ်ဒမီလေ့လာမှုခရီးတွင် အသင်းပိုင်ရှင် ဦးအောင်မိုးကျော်၊ အသင်းမန်နေဂျာဦးထွန်းထွန်းလင်း၊ အသင်း နည်းစနစ်ဒါရိုက်တာ ဦးငွေထွန်းနှင့် အသင်းနည်းပြချုပ် ဦးမျိုးမင်းထွန်း တို့ လိုက်ပါခဲ့ကြပါတယ်။ဇန်နဝါရီ ၅ ရက်(ယနေ့)နံနက်ပိုင်းတွင် ThaiBev ဘောလုံးအကယ်ဒမီရှိ လူငယ်ကစားသမားများအား လေ့လာသင်ကြားနေမှုများကို လေ့လာခဲ့ပြီး မွန်းလွဲပိုင်းတွင်ရှေ့ဆက်ပူးပေါင်းဆောင်ရွက်မည့်အခြေအနေများနှင့်ပတ်သက်၍ အစည်းအဝေးပြုလုပ်ခဲ့ကြပါတယ်။

ThaiBevဘောလုံးအကယ်ဒမီ အနေဖြင့် လာမည့်အနာဂတ်တွင် ဟံသာဝတီယူနိုက်တက်အသင်းအား ဘောလုံးနှင့်ပတ်သက်သည့် အကူအညီများကို ကူညီပံ့ပိုးသွားရန် ရှိပါတယ်။ ကဲ့ ချစ်ပရိသတ်ကြီးရေ ယခုမှာတော့ ThaiBev ဘောလုံးအကယ်ဒမီသို့သွားရောက်လေ့လာခဲ့တာကိုပြန်လည်တင်ပြလိုက်ပါတယ်။

Photo Credit - Myanmar National League

Source - Myanmar National League