သီချင်းရေးတဲ့ပုံစံလေးကိုပရိသတ်ကြီးကိုပြောပြလာတဲ့ စိုင်းစိုင်းခမ်းလှိုင်

အဆိုတော်စိုင်းစိုင်းခမ်းလှိုင်ကတော့ ယနေ့အချိန်အထိ နှုတ်ခမ်းနီမလေးတွေရဲ့သည်းသည်းလှုပ်ချစ်ခင်ခြင်းကိုရရှိထားတဲ့ ဝါရင့်အဆိုတော်တစ်ယောက်ပါ။ ဆယ်စုနှစ်တစ်ခုတိုင်အောင် အောင်မြင်မှုကို ထိန်းသိမ်းထားနိုင်ခဲ့တဲ့ အနုပညာရှင်တစ်ယောက်အနေနဲ့ ဝေဖန်မှုတွေများစွာရှိသော်လည်း ပရိတ်သတ်ကိုအလေးစားဆုံး အနုပညာရှင်လို့ဆိုရလောက်အောင် ဝေဖန်မှုတွေကို တစ်စုံတစ်ရာမှတုံ့ပြန်မှုမရှိခဲ့သူတစ်ယောက်ပါ။ 

အသက်တွေတစ်နှစ်ထက်တစ်နှစ်ကြီးသွားပင်မဲ့လည်း ယနေ့ထိတိုင် နုပျိုခန့်ညားနေတာကတော့ မိန်းကလေးတွေကြွေနေရတဲ့ အချက်လည်းဖြစ်ပါတယ်။ စိုင်းစိုင်းရဲ့အောင်မြင်မှုတွေဟာလည်း တစ်နေ့ထက်တစ်နေ့ကြယ်ပွင့်လေးလို တစ်လက်လက်နဲ့လင်းလက်တောက်ပနေတာပါ။ ပရိသတ်တွေကလည်း သူ့ရဲ့သီချင်းသစ်တွေကို စောင့်မျှော်နေကြတာပါ။

အခုမှာလည်း သူ့ရဲ့လူမှုကွန်ယက်စာမျက်နှာတွင် ပုံရိပ်လေးတွေ တင်ထားတာပါ။ ဒါကတော့ " ကျနော်သီချင်းရေးရင် တခါတလေ စိတ်အေးလက်အေးနဲ့ အချိန်ယူရေးသလို တခါတလေလည်း ခေါင်းထဲ ရုတ်တရက်ပေါ်လာလို့ အမြန်ချမှတ်ထားလိုက်ရတာမျိုးလည်း ရှိတယ်

သီချင်းတစ်ပုဒ်ရေးချင်တဲ့အခါ ဘယ်လိုပြင်ဆင်လေ့ရှိတယ်ဆိုတာ နောက်ရက်ကျ ကျနော်ပြောပြသွားပါမယ် စောင့်မျှော်နားစွင့်နေပါဦးခင်ဗျာ

#GoLive #SaiSai Sai Sai Kham Leng" ဆိုပြီးရေးသားထားတာပဲဖြစ်ပြီး ပရိသတ်တွေအတွက် တင်ဆက်ပေးလိုက်ပါတယ်။

Photo Credit- Sai Sai Kham Leng’s Facebook