ရေးဦးမြို့မှာ ပြီးစီးသွားတဲ့ စာသင်ကျောင်းအတွက် စာသင်ခန်းတစ်ခန်းစာ သိန်း၅၀ကျပ်ကို ဆပ်ကပ်လှူဒါန်းခဲ့တဲ့ စမိုင်းလ်တို့ဇနီးမောင်နှံ

တစ်ချိန်က အနုပညာလောကမှာ နေရာတစ်ခုရယူထားနိုင်တဲ့ စမိုင်းလ် ကတော့ ပရိသတ်တွေရဲ့ အားပေးမှုကို ရရှိနေသူလေးပဲ ဖြစ်ပါတယ်။ သရုပ်ဆောင်ပိုင်းမှာ ထူးချွန်ပြီး ကျရာဇာတ်ရုပ်ကို အကောင်းဆုံးသရုပ်ဆောင်နိုင်တဲ့ သူမကတော့ အနုပညာအလုပ်တွေကနေ ရပ်နားနေပြီး ချစ်ရတဲ့ မိသားစုကို အချိန်အပြည့်အဝပေးနေပါတယ်။

သူမကတော့ အေးချမ်းသာယာတဲ့ မိသားစုဘဝလေးကို တည်ဆောက်ထားနိုင်ပြီး ချစ်စရာကောင်းတဲ့ သမီးလေးနှစ်ယောက်ကို ပိုင်ဆိုင်ထားတာပဲ ဖြစ်ပါတယ်။ ယခုမှာတော့ သူမတို့ မိသားစုလေးဟာ ရေးဦးမြို့မှာ ပြီးစီးသွားတဲ့ စာသင်ကျောင်းအတွက် စာသင်ခန်းတစ်ခန်းစာ သိန်း ၅၀ ဆပ်ကပ်လှူဒါန်းခဲ့ပါတယ်။

သူမကတော့ " အောင်ဇမ္ဗူဆရာတော်ရဲ့ ရေးဦးမြို့မှာပြီးစီးသွားတဲ့ စာသင်ကျောင်းအတွက် စာသင်ခန်းတစ်ခန်းစာ သိန်း ၅၀ ဆပ်ကပ်လှူဒါန်း " ဆိုပြီး ကြည်နူးစရာမိသားစုပုံရိပ်လေးနဲ့အတူ ရေးသားထားခဲ့တာပဲ ဖြစ်ပါတယ်။ ချစ်ပရိသတ်တွေအတွက် စမိုင်းလ်တို့ မိသားစုရဲ့ကောင်းမှုကုသိုလ်ပြုလုပ်နေတဲ့ ကြည်နူးစရာပုံရိပ်လေးတွေကို ဖော်ပြပေးလိုက်ပါတယ်။

source: Smile 's facebook