နေခြည်ဦးဟာ Beauty Blogger လောကမှတစ်ဆင့် အနုပညာလောကထဲကို ဝင်ရောက်လာသူတစ်ယောက်ပါ။ သူမရဲ့ သရုပ်ဆောင် ပီပြင်မှုတွေကြောင့်လည်း အချိန်တိုအတွင်းမှာ အောင်မြင်မှုတွေ ဆက်တိုက် ရရှိထားသူပါ။ အမြဲတမ်းလိုလို ကလေးဆန်ဆန်ချစ်စရာကောင်းတဲ့ အမူအရာလေးတွေကြောင့်လည်း ပရိသတ်တွေက ချစ်ပြီးရင်း ချစ်နေရတာပါ။
ဒီနေ့ကတော့ ချီချီရဲ့ အသက် (၂၈) နှစ်ပြည့် မွေးနေ့ရက်မြတ်လေးပဲ ဖြစ်ပါတယ်။ ချီဟာ သူမရဲ့ မွေးနေ့အကြိုအဖြစ် မနေ့က မွန်ပြည်နယ် ဘီးလင်းမြို့နယ်က စာသင်ကျောင်းတစ်ခုတွင် ကလေးတွေကို ဦးထုပ်နဲ့ ထီးတွေ လှူဒါန်းခဲ့တာပဲ ဖြစ်ပါတယ်။ ဒါ့အပြင် အခြားသော လှူဒါန်းမှုတွေကိုလည်း ပြုလုပ်ခဲ့ပါသေးတယ်။
ချီချီကတော့ သူမရဲ့ Instagram Stories လေးမှာ ဗီဒီယိုလေးတွေ တင်ထားတာပါ။ ဒါကတော့ မွေးနေ့လက်ဆောင်အဖြစ် ချစ်မေမေက ကျားသစ်ပေါက်စလေး သုံးကောင် ပေးခဲ့တာပါ။ ချီချီကတော့ " သူများအမေတွေက ခြံတွေ အိမ်တွေပေးတယ် ငါ့အမေက ကျားသစ်သုံးကောင်ပေးတယ် " ဆိုပြီးလည်း ချစ်စနိုးနဲ့ စနောက်ထားပါသေးတယ်။ ပရိသတ်တွေအတွက် ချီချီရဲ့ Video လေးကို တင်ဆက်ပေးလိုက်ပါတယ်။
Source and Photo Credit- Naychiooofficial’s Instagram Stories
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။