နွမ်းပါးပြည်သူတွေအတွက် ဆန်အိမ်တွေကိုကိုယ်တိုင်မကာ တစ်အိမ်တက်တစ်အိမ်ဆင်းပြီး လိုက်လံဝေငှပေးခဲ့တဲ့ ချစ်သုဝေနဲ့လင်းလင်း

ပရိသတ်ကြီးရေ အဆိုတော်သရုပ်ဆောင်ချစ်သုဝေနဲ့ အဆိုတော်လင်းလင်းတို့ ဇနီးမောင်နှံနှစ်ယောက်ကတော့ ချစ်စရာသမီးလေးတွေနဲ့အတူ ပျော်ရွှင်စရာမိသားစုဘဝလေးကို တည်ဆောက်ထားတာဖြစ်ပါတယ်။ချစ်သုဝေက သမီးလေးတွေမွေးဖွားပြီးနောက်ပိုင်းမှာ အနုပညာအလုပ်တွေကိုအနည်းအကျဉ်းလုပ်ဆောင်နေပေမယ့် ဇာတ်ကားတွေမရိုက်တော့တာ နှစ်တွေအများကြီးကြာမြင့်နေပါပြီနော်။

ချစ်သုဝေတို့ဇနီးမောင်နှံနှစ်ယောက်က‌ ခေတ်သစ်ဖောင်ဒေးရှင်းကိုလည်း တည်ထောင်ထားကြပြီး လိုအပ်တဲ့သူတွေအတွက်အကူအညီပေးနေကြတာဖြစ်ပါတယ်။ပရိသတ်တွေကလည်း သူတို့ဇနီးမောင်နှံနှစ်ယောက်ရဲ့ စိတ်ထားလေးတွေကို ချစ်ကြပြီး သူတို့မိသားစုလေးရဲ့လှုပ်ရှားမှုပုံရိပ်လေးတွေကို စောင့်ကြည့်အားပေးနေကြတာဖြစ်ပါတယ်။ချစ်သုဝေကတော့ လတ်တလောမှာဆိုရင် Covid19ကြောင့် သမီးလေးတွေနဲ့အတူ အိမ်ထဲမှာပဲနေထိုင်နေတာပါနော်။

အခုဆိုရင်တော့ ချစ်သုဝေတို့ ခေတ်သစ်ဖောင်ဒေးရှင်းက Clean Yangonနဲ့ပူးပေါင်းပြီး တောင်ဒဂုံမြို့နယ်နဲ့ဒဂုံဆိပ်ကမ်းမြို့နယ်များရှိ နွမ်းပါးပြည်သူတွေအတွက် စားနပ်ရိက္ခာများကို ကိုယ်တိုင်လိုက်လံဝေငှပေးနေတာဖြစ်ပါတယ်။ချစ်သုဝေကတော့"သူတို့​လေး​တွေနဲ့​တွေ့ရတာ စကား​တွေ​ပြောခွင့်ရတာ ကူညီနိုင်တာ​တွေ​ပြောပြကူညီခွင့်ရတာ ​ရှေ့ဆက်ဘာ​တွေလုပ်​ပေးနိုင်မလဲဆိုတာ​တွေအထိ အ​တွေး​တွေအများကြီးရခဲ့တယ်...ဒီ​နေ့ အိမ်ပြင်ထွက်ရကျိုးနပ်ခဲ့တယ်ဘဝအ​​ခြေအ​နေများစွာကိုမြင်​တွေ့ခံစားရတာ ရင်ထဲတစ်ဆို့နေရောပါပဲ"ဆိုပြီး ပုံရိပ်လေးတွေကို မျှဝေလာတာဖြစ်ပါတယ်နော်။

Source&Photo Credit:Chit Thu Wai's Facebook Account &

ခေတ်သစ်ဖောင်ဒေးရှင်း Page