အသက်(၉၅)ပြည့်သွားတဲ့စွယ်စုံအနုပညာရှင်ကြီးဘဘဘိုကလေးတင့်အောင်
မြန်မာ့အနုပညာလောကရဲ့သက်တော်ရှည်စွယ်စုံရအနုပညာရှင်ကြီးတစ်ဦးဖြစ်တဲ့ဘဘဘိုကလေးတင့်အောင်ဟာမနေ့ကဇွန်လ (၂)ရက်နေ့မှာ အသက် (၉၅)နှစ်ပြည့်သွားခဲ့ပါပြီ။
သူ့ရဲ့မွေးနေ့အထိမ်းအမှတ်ညစာစားပွဲလေးကိုတော့တော်ဝင်ဂါးဒင်းဟိုတယ်မှာကျင်းပခဲ့ပါတယ်။မန္တလေးသိန်းဇော်၊နန်းဝင်း၊
ဝါဝါဝင်းရွှေ ၊ငြိမ်းမင်းစတဲ့အနုပညာရှင်ကြီးတွေလည်းဘဘရဲ့ဒီပွဲလေးကိုတက်ရောက်လာကြပါတယ်။
အကယ်ဒမီငြိမ်းမင်းရဲ့ဘဘအပေါ်မွေးနေ့အမှတ်တရဆုတောင်းလေးကိုလည်းအမှတ်တရအနေနဲ့ဖော်ပြပေးပါရစေ။
"၉၅နှစ်မြောက်မွေးနေ့ပွဲ ကျင်းပနိုင်တယ်ဆိုတာဘယ်လောက်ကြီးမားတဲ့ကုသိုလ်ကံပါလဲ။ပြီးတော့ဒီအရွယ်ရောက်တာတောင်
မှတ်ဉာဏ်အားကလျော့ကျမသွားသေးဘူး။ကိုယ်တိုင်ရေးတဲ့စာအုပ်ကိုမွေးနေ့ပွဲတက်ရောက်သူတိုင်း
အမှတ်တရပေးလိုက်သေးတယ်။ပြီးတော့
စာအုပ်လေးတွေကိုလူတိုင်း
သတိပြုမိအောင်ကံစမ်းမဲဖောက်
ပေးလိုက်သေးတယ်။
အနုပညာသမားဆိုတော့
အနုပညာမိတ်ဆွေတွေနဲ့ဆုံရရင်
ပျော်ရွှင်နေတာပဲကိုး။
အနုပညာက အသက်အရွယ်ဆိုတဲ့
နယ်နိမိတ်စည်း ကိုအမြဲကျော်လွှားပြီး
နုပျိုရှင်သန်စေနိုင်တယ်ဆိုတာ
တကယ်ပါပဲ။
ဆရာ ဘိုကလေးတင့်အောင်(အကိုလေး)
ရဲ့ ၉၅ နှစ်မြောက်မွေးနေ့ပွဲဟာ
တကယ့်အမှတ်တရတွေနဲ့ပြည့်နှက်နေပါတယ်
ဆရာက ကျွန်တော့ကို အကိုလေး လို့ခေါ်ဖို့
ပြောခဲ့ဖူးတာကို
အခုပြန်ပီးသတိရနေမိတယ်။
တကယ်တော့အသက်အရွယ်အရရောဝါ သဘာ ပညာအရရောကျွန်တော်ကခေါ်ရမှာ နှုတ်မရဲခဲ့ပါဘူး။ဒါပေမယ့်ဆရာကိုသွားကန်တော့တုန်းက
သူ့မှတ်တမ်းလေးမှာလက်မှတ်ထိုးပေးတာကြည့်ပီးတော့ ဆရာရဲ့နွေးထွေးတဲ့မေတ္တာကိုခံစားရပါတယ်။
မွေးနေ့ပွဲမှာဆရာပျော်နေတာမြင်ပြီး
တကယ်လှိုက်လှိုက်လှဲလှဲပေါ်ရွှင်မိပါတယ်။
အသက်ရာကျော်အောင်
ဆက်လက်ပျော်ရွှင်နိုင်ပါစေကြောင်း
ဆုတောင်းမေတ္တာပို့ရင်း
ကန်တော့လိုက်ပါတယ်"တဲ့။
ဘဘဘိုကလေးတင့်အောင် (၉၅)ပြည့်မှသည်သက်တော်ရာကျော်ရှည်ပါစေလို့ဆုတောင်းရင်း..
Source-Nyein Min fb
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။
