အကောင်းဆုံးကြိုးစားခဲ့တဲ့ " ဂျီဟောသူ " ဇာတ်လမ်းလေးရဲ့ ကင်မရာနောက်ကွယ်က အမှတ်တရ ပုံရိပ်လေးတွေကို ချပြလာတဲ့ ရှင်မွေလ

ပရိသတ်ကြီးရေ လတ်တလော MRTV-4 ထုတ်လွှင့်ပြသနေတဲ့ ဂျီဟောသူ မြန်မာ့ရုပ်သံဇာတ်လမ်းတွဲလေးကတော့ ယခုဆိုရင် ပြီးဆုံးခဲ့ပါပြီနော်..။ ဒီဇာတ်လမ်းကတော့ ကျောင်းသားတွေရဲ့ ဝတ်စားဆင်ယဉ်မှု ၊ အပြောအဆို ၊အနေအထိုင်လေးတွေကအစ ပရိသတ်တွေ အရင်ခေတ်ကိုပြန်လည်ရောက်ရှိသွားသလိုမျိုး ခံစားနိုင်မယ့် သဘာဝကျကျ နဲ့ ပေါ်လွင်အောင် ပုံဖော်ရိုက်ကူးထားတဲ့ ဇာတ်လမ်းကောင်းလေးပဲဖြစ်ပါတယ်။

ဒီဇာတ်လမ်းလေးထဲမှာတော့ တက်သစ်စ အနုပညာရှင်လေးတွေ အများဆုံးပါဝင်ထားတာ တွေ့ရပြီး သူတို့လေးတွေရဲ့ သရုပ်ဆောင်ချက်တွေကလည်း အပြစ်ပြောစရာမရှိလောက်အောင် သဘာဝကျကျ နဲ့ သရုပ်ဆောင်နိုင်ခဲ့ပါတယ်။ ဒါ့အပြင် " ဂျီဟောသူ " ဇာတ်လမ်းတွဲလေး ထုတ်လွှင့်ပြသလို့ ပြီးဆုံးသွားခဲ့ပေမယ့်လည်း ပရိသတ်တွေရင်မှာတော့ အမှတ်တရလေးတွေ ရှိနေခဲ့မှာ သေချာပါတယ်နော်..။ ယခုမှာဆိုရင်လည်း ဒီဇာတ်လမ်းထဲမှာ ပါဝင်သရုပ်ဆောင်ထားတဲ့ ရှင်မွေလ ကတော့ ဇာတ်လမ်းလေးရဲ့ အမှတ်တရလေးတွေကို ပရိသတ်တွေအတွက် ဖော်ပြလာခဲ့ပါတယ်။

ဒီ ပုံရိပ်လေးတွေထဲမှာတော့ ဂျီဟောသူ လေးတွေ ရဲ့ ပျော်ပျော်ရွှင်ရွှင် နဲ့ အကောင်းဆုံး ကြိုးစားထားတဲ့ ကင်မရာနောက်ကွယ်က ပုံရိပ်လေးတွေပဲဖြစ်ပါတယ်။ ဒီပုံလေးတွေ နဲ့လည်း ရှင်မွေလ " “ ဂျီဟောသူ ”လေးလဲဒီနေ့ ဇာတ်သိမ်းပြီဆိုတော့ အမှတ်တရအနေနဲ့ Shooting ကပုံလေးတွေတင်မယ်နော် " ဆိုပြီး ရေးသားဖော်ပြထားပါသေးတယ်။ ကဲ...ချစ်ပရိသတ်ကြီးရေ ယခုမှာတော့ ထုတ်လွှင့်ပြသလို့ ပြီးဆုံးသွားခဲ့တဲ့ " ဂျီဟောသူ " ဇာတ်လမ်းလေးရဲ့ အမှတ်တရ ပုံရိပ်လေးတွေကို ပြန်လည်ဖော်ပြပေးလိုက်ပါတယ်။

Photo Credit - Shin Mwe La's Facebook Page

Source - Shin Mwe La's Facebook Page