ကိုယ်တိုင်သွေးလှူပြီး ကုသိုလ်ယူခဲ့သလို ပရိသတ်တွေလည်း အဆင်ပြေမယ်ဆိုရင် သွေးလှူကြဖို့တောင်းဆိုလိုက်တဲ့ အေးမြတ်သူ

မင်းသမီးချောလေး အေးမြတ်သူကတော့ ချစ်စရာကောင်းတဲ့ အပြုံးလှလှလေးတွေနဲ့ ဟန်ဆောင်မှုကင်းပြီး လှသွေးကြွယ်နေတာ ဖြစ်ပါတယ် ။ အေးမြတ်သူက စကားပြောတဲ့အခါမှာလည်း ပွင့်ပွင့်လင်းလင်းပြောဆိုတတ်သလို မာန်မာနမရှိဘဲ ရိုးရိုးရှင်းရှင်း နေထိုင်လေ့ရှိတာလည်း ဖြစ်ပါတယ် ။ ဒါကြောင့်လည်း အေးမြတ်သူက စိတ်ပျိုကိုယ်နုဆိုသလို အခုချိန်အထိ လူငယ်လေးတစ်ယောက်လို ငယ်ရွယ်နုပျိုနေတာပဲ ဖြစ်ပါတယ် ။

အေးမြတ်သူက ကျန်းမာရေးလိုက်စားသူလေးဖြစ်တာကြောင့် ခန္ဓာကိုယ်အတွက် အထောက်အကူဖြစ်စေမယ့် လေ့ကျင့်ခန်းတွေကို ပုံမှန်ပြုလုပ်လေ့ရှိတာ ဖြစ်ပါတယ် ။ လတ်တလောမှာဆိုရင်လည်း အေးမြတ်သူက ယောဂလေ့ကျင့်နေတာ ဖြစ်ပါတယ် ။ ကျန်းမာလှပတဲ့ ခန္ဓာကိုယ်လေးကို ပိုင်ဆိုင်ထားတဲ့ အေးမြတ်သူက အခုလည်း ကိုယ်တိုင်သွေးလှူခဲ့သလို ပရိသတ်တွေကိုပါ သွေးလှူကြဖို့ တိုက်တွန်းထားတာ ဖြစ်ပါတယ် ။

အေးမြတ်သူက "ကျန်းမာပြီး (၄)လအတွင်း သွေးလှူထားတာမရှိဘူးဆိုရင် ချစ်ရသူတို့အတွက် အဆင်ပြေမယ်ဆိုရင် အမျိုးသားသွေးလှူဘဏ်မှာ သွေးလေးလှူပေးဖို့ မေတ္တာရပ်ခံတောင်းဆိုချင်ပါတယ်ရှင် ဒီကာလအတွင်းမှာ သွေးအလှူရှင်တွေ လိုအပ်နေလို့ပါရှင့် လုပ်ချင်ရာလည်း လုပ်တယ် လုပ်သင့်တာလည်းလုပ်တယ် ကိုယ့်ဘဝကိုယ့်စိတ်ကြိုက် ရှင်သန်ကြမယ်" ဆိုပြီး ရေးသားမျှဝေထားတာ ဖြစ်ပါတယ် ။ ကဲ သွေးလှူပြီး ကုသိုလ်ယူခဲ့တဲ့ အေးမြတ်သူရဲ့ပုံရိပ်လေးတွေကို ချစ်ပရိသတ်တွေအတွက် ပြန်လည်မျှဝေပေးလိုက်ပါတယ်နော် ။

Source & Photo Credit-Aye Myat Thu's FB Page