ခြင်ကိုက်ခံရတာကနေ ခြေထောက်တစ်ဖက် အဆမတန်ကြီးထွားလာတဲ့ အမျိုးသား

ဒီအမျိုးသားကတော့ Bong Thet လို့ခေါ်တဲ့ အသက် 27 နှစ်အရွယ် Cambodia နိုင်ငံသားတစ်ဦးပဲ ဖြစ်ပါတယ်။

သူဟာလွန်ခဲ့တဲ့ ဆယ်စုနှစ် နှစ်စုလောက်က ခြင်ကိုက်ခံရတာကနေ ကုသလို့မရနိုင်တဲ့ ရောဂါပိုးတစ်ခု ကူးစက်ခံခဲ့ရပါတယ်။

အဲ့ဒီရောဂါပိုးကြောင့်ပဲ Bong Thet ရဲ့ ခြေထောက်ဟာ ပုံမှန်အရွယ်အစားထက် ငါးဆလောက် ကြီးမားလာခဲ့ပါတယ်။

အဲ့အချိန်ဟာ Bong Thet အသက် 6 နှစ်အရွယ်သာရှိသေးပြီး ဘောလုံးသမားတစ်ယောက်ဖြစ်ချင်တဲ့ အိမ်မက်တွေရင်ဝယ်ပိုက်ထားတဲ့ လူငယ်တစ်ယောက်ဖြစ်ခဲ့ပါတယ်။

သို့ပေမယ့်လည်း Bong Thet ဟာ သူကူးစက်ခံရတဲ့ ရောဂါပိုးကြောင့် ခြေထောက်မှာ အကျိတ်လေးတွေ ထွက်လာရာကနေ တဖြေးဖြေး အခြေအနေပိုဆိုးလာခဲ့ပါတယ်။

မိဘတွေကလည်း စက်ရုံဝန်ထမ်းတွေဖြစ်တာကြောင့် သူ့ကို ဆေးကုသမပေးနိုင်ပဲ ဒီအတိုင်းထားရာကနေ အခြေအနေပိုပိုဆိုးလာခဲ့ပြီး ယခုမြင်တွေ့နေရတဲ့ ပုံထဲကအတိုင်း ဖြစ်လာခဲ့ပါတယ်

သူဟာကျောင်းတက်တဲ့အချိန်မှာလည်း သူ့ရဲ့ခြေထောက်ကြောင့် သူငယ်ချင်းတွေရဲ့ စနောက်အနိုင်ကျင့်မှုကို အမြဲခံခဲ့ရသလို နှစ် 20 လောက်သူရဲ့ နာကျင်မှုတွေကို အားတင်းခံလာခဲ့တဲ့​

​နောက် ယခုလအစပိုင်းလောက်မှာCombodia က စီးပွားရေးလုပ်ငန်းရှင်အမျိုးသမီးတစ်ယောက်ဟာ သူ့ရဲ့ရောဂါကို ကုပေးဖို့ သဘောတူခဲ့ပါတယ်။

ဒါ့ကြောင့် Bong Thet ဟာဆေးရုံကိုပထမဆုံးအကြိမ် တက်ခွင့်ရခဲ့ပြီး စစ်ဆေးကြည့်တဲ့အခါမှာတော့ Lymphatic filariasis ရောဂါကို ခံစားနေရတာပဲ ဖြစ်ပါတယ်။

ဒီရောဂါဟာ လက်ရှိကမ္ဘာပေါ်က ဘယ်နိုင်ငံမှာမှ ကာကွယ်ဆေးလဲမရှိသလို ကုသနိုင်ခြင်းလည်း မရှိသေးပါဘူး။

ဒါကိုသိသိခြင်းမှာ Bong Thet အနေနဲ့ စိတ်ဓာတ်ကျခဲ့ပေမယ့်လည်း သူ့ကိုကူညီပေးတဲ့သူတွေတိုင်းကို ကျေးဇူးတင်ကြောင်း ပြောကြားခဲ့သလို "သူတို့ရဲ့ ကူညီမှုတွေက ကျွန်တော့်ဘဝကိုပိုပြီးလွယ်ကူစေပြီးငါ့ကိုဂရုစိုက်တဲ့သူတွေရှိတယ်ဆိုတာကိုသိရခြင်းကငါ့ကိုပျော်ရွှင်စေတယ်။

ကူညီပေးတဲ့အတွက်ငါအရမ်းကျေးဇူးတင်တယ်။ ငါ့ဘဝကို ပိုမိုသက်တောင့်သက်သာဖြစ်စေဖို့အတွက် ဆရာဝန်ပေးတဲ့ ဆေးတွေကိုလည်း သေချာသောက်သွားပါ့မယ် " လို့ပြောခဲ့ပေမယ့် ကုသပေးမယ့်သူပေါ်လာတာတောင် ကုသလို့မရတဲ့ရောဂါ ခံစားနေရတဲ့အတွက် စိတ်မကောင်း ဖြစ်နေမိမှာအမှန်ပါပဲ။

Bong Thet ပြန်ကောင်းလာနိုင်တဲ့ တစ်ခုတည်းသော မျှော်လင့်ချက်ကတော့ ကုသနိုင်မယ့်ဆေး ဖော်ဆပ်နိုင်ဖို့ပါပဲ။ သို့ပေမယ့်ဒါဟာ လက်ရှိမှာ မျှော်မှန်းနေရုံ သက်သက်ပဲ တတ်နိုင်ပါတယ်။

Source - Daily Mail