မွေးနေ့မှာ မိဘနှစ်ပါးကို ငွေကျပ် သိန်း၅၀၀နဲ့ ကန်တော့လိုက်တဲ့ အဆိုတော် စိန်လင်း

အနုပညာလောကမှာ နေရာတစ်ခုကို ရပ်တည်ထားနိုင်တဲ့ အဆိုတော် စိန်လင်းကတော့ ပရိသတ်အားပေးမှုကိုလည်း အခိုင်အမာရရှိထားသူပါ။ နယ်ပွဲတွေမှာ အမြဲလိုလို သွားရောက်ဖျော်ဖြေလေ့ရှိတဲ့ စိန်လင်းက ယခုလို ကိုဗစ်ကာလမှာတော့ အနုပညာလှုပ်ရှားမှုတွေကို ရပ်နားထားရတာလည်း ဖြစ်ပါတယ်။ အသံကောင်းလွန်းတဲ့ သူ သီဆိုထားတဲ့ သီချင်းလေးတွေကိုလည်း ပရိသတ်တွေက အကြိုက်တွေ့ကြတာကို တွေ့ရပါတယ်။

ယခုလိုအချိန်မှာ စိန်လင်းက အိမ်မှာပဲ သူချစ်တဲ့မိသားစုနဲ့အတူ အချိန်တွေကို ကုန်ဆုံးလေ့ရှိသူပါ။ ယနေ့ကျရောက်တဲ့ သူရဲ့ မွေးနေ့လေးမှာတော့ စိန်လင်းက မိဘနှစ်ပါးကို များစွာသော ငွေ​ကြေး သိန်း၅၀၀ကျပ်နဲ့ ကန်တော့လိုက်တာပဲ ဖြစ်ပါတယ်။ စိန်လင်းက သူရဲ့ လူမှုကွန်ယက် စာမျက်နှာထက်မှာ မိဘနှစ်ပါးကို လက်အုပ်ချီကာ ကန်တော့နေတဲ့ ကြည်နူးစရာပုံရိပ်လေးတွေကို တင်ပေးလာတာပါ။

ကြည်နူးစရာပုံရိပ်လေးတွေအပြင် " မွေးနေ့အမှတ်တရ မိဘနှစ်ပါးအား သိန်း ၅၀၀ ကျပ်ဖြင့် ကန်တော့ကာ ကျေးဇူးဆပ်လိုက်ရတဲ့ ပီတိလေးကလည်း ဒီနှစ် ၂၀၂၀ ရဲ့ ပကာသနမပါ အဓိပ္ပာယ်ရှိတဲ့ ကုသိုလ်လေးပါပဲခင်ဗျာ။" ဆိုပြီး ရေးသားထားပါသေးတယ်။ ကဲ...သူကြိုးစားရှာဖွေထားတဲ့ အနုပညာငွေကြေးလေးနဲ့ မိဘနှစ်ပါးကို ကန်တော့လိုက်တာဖြစ်လို့ ပရိသတ်တွေ ကြည့်ရှုစေနိုင်ရန်အတွက် ပြန်လည်တင်ဆက်ပေးလိုက်ပါတယ်နော်..... ။

Photo credit - Aroma

Source - Sein Linn aroma's FB page