မြန်မာနဲ့စင်ကာပူပွဲကြိုသုံးသပ်ချက်
ဒီနေ့ညနေကစားမယ့်ပွဲဟာမြန်မာနဲ့စင်ကာပူတို့ရဲ့ပြိုင်ဆိုင်မှုပြင်းထန်တဲ့ပွဲတစ်ပွဲဖြစ်လာပါမယ်။ရှုံးသွားတဲ့အသင်းဟာခြေစစ်ပွဲအောင်ဖို့မျှော်လင့်ချက်မှေးမှိန်သွားမှာမို့နှစ်သင်းစလုံးခြေကုန်ထုတ်ကစားသွားကြမှာပါ။
စင်ကာပူအသင်းဟာ S-Leagueမှာပါဝင်ယှဉ်ပြိုင်နေတဲ့အသင်းဖြစ်လို့တစ်ယောက်နဲ့တစ်ယောက်နားလည်မှုမှာတော့မြန်မာအသင်းထက်သာပါတယ်။နာမည်ကျော်တိုက်စစ်မှူးဖန်ဒီအာမက်ရဲ့သားတော်မောင်၂ယောက်၊နာမည်ကျော်ကွင်းလယ်တို်က်စစ်ကစားသမားဆူဟာမီ၊ဟုမ်းယူနိုက်တက်ကစားသမားတွေဖြစ်တဲ့ဆာဟင်၊ အမိုင်ရူဒင်စတဲ့ကစားသမားတွေနဲ့စင်ကာပူရဲ့လူစာရင်းကလည်းပေါ့သေးသေးမဟုတ်ပါဘူး။
မြန်မာအသင်းကတော့ပုံမှန်ပွဲထွက်နေကြလူစာရင်းအတိုင်း
အောင်သူကိုအထောင်၊ တောင်ပံမှာေမာင်မောင်လွင်၊စည်သူအောင်၊အလယ်တန်းရန်နိုင်ဦး၊လှိုင်းဘိုဘိုတို့နဲ့ပွဲထွက်လာဖို့များပါတယ်။ပုံမှန်ကစားနေကြပုံစံအတိုင်းအတိုပေးကစားပုံနဲ့ကစားသွားဖို့ရှိပြီးမိုးရွာရင် ဘယ်လိုဆော့ရမလဲဆိုတဲ့ Plan B ဆွဲထားဖို့လည်းလိုပါတယ်။စင်ကာပူကကတော့ဖြတ်တင်ဘောတွေနဲ့ဆော့တဲ့အသင်းဖြစ်ပြီးကွင်းလယ်ကစားသမားဆူဟာမီဟာတည်ကန်ဘောကန်ရာမှာထူးချွန်သူဖြစ်လို့ ဘုန်းသစ္စာမင်းသတိထားဖို့လိုပါတယ်။
မန်မာအသင်းအနေနဲ့ဒီပွဲမှာအနိုင်ရဖို့တော့များပြီး
ဂိုးလည်းများများသွင်းထားဖိို့လိုပါတယ်။ဘာလို့လဲဆိုတော့AFC ယူ၂၃ ခြေစစ်ပွဲ
စည်းမျဉ်းအရ အုပ်စုပထမ၁၀သင်းနဲ့အကောင်းဆုံးအုပ်စုဒုတိယ၅သင်းသာခြေစစ်ပွဲအောင်မှာမို့ပါပဲ။
Photo-FAS&MFF
"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။