အနုပညာကို ၀ါသနာမပါတဲ့ ဒွေးရဲ့သား ဝေယံမိုး

ဒွေးရဲ့တစ်ဦးတညး်သောသား ဝေယံမိုးကတော့ ခုလက်ရှိမှာအသက် ၂၁ နှစ်ရှိပြီဖြစ်ပြီး စင်ကာပူမှာကျောင်းတတ်နေတာဖြစ်ပါတယ် ။

ဖခင်သေဆုံးချိန်က ဝေယံမိုးဟာ အသက် ၁ဝနှစ်ဝန်းကျင်သာရှိသေးပါတယ် ။ ဖခင်ရဲ့ ဆယ်နှစ်ပြည့်အထိမ်းအမှတ်ပွဲမှာ ကိုသားကြီးနဲ့ပါတ်သတ်တဲ့ အမှတ်တရတွေကိုအောက်ပါအတိုင်းပြောကြားထားပါတယ် ။ 

" သူဆုံးတာလွန်ခဲ့တဲ့ ဆယ်နှစ်ကဆိုတော့ ကျွန်တော့အသက် ၁၀ နှစ် ၁၁ နှစ်လောက်ရှိပြီပေါ့ ။ ကျွန်တော့မွေးနေ့မှာသူနောက်ဆုံးလက်ဆောင် စက်ဘီးလေးဝယ်ပေးခဲ့တယ် ။ အဲဒါလေးကတော့ခုထက်ထိမှတ်မိပါသေးတယ် ။ ဇာတ်ကားရိုက်ကွင်းတွေတော့လိုက်ဖြစ်တယ် ။ တစ်ခါတစ်လေကျရင် မေမြို့မှာဇာတ်ကားရိုက်ရင်း တစ်နှစ်ကို ၃ ၄ ခါလောက်လိုက်တယ် ။ တောထဲမှာဆော့ကစားခဲ့တာတွေတော့အမှတ်တရဖြစ်ခဲ့ပါတယ် ။ ကျွန်တော်ကအနုပညာကိုဝါသနာမပါတော့ အပြင်ဘက်ကအပိုင်းလေးနဲ့ပဲလေးစားတာပေါ့ ။ သူ့ရဲ့ အနုပညာကိုလဲ လေးစားပါတယ် ။ ဒါပေမယ့် ကျွန်တော်ကအနုပညာကို စိတ်မဝင်စားတော့ အဲဒါတွေ ကျွန်တော်မစဉ်းစားဘူးပေါ့ " လို့ဆိုပါတယ် ။

လက်ရှိမှာကျောင်းတက်နေတဲ့ ဝေယံမိုးက ပညာရေးဆုံးခန်းတိုင်ရင်တော့ မိခင်ဖြစ်သူ မမိုးမိုးကို ပြုစုလုပ်ကျွေးမယ်လို့ဆိုပါတယ် ။ 

" အခုကျွန်တော်ဆုံးဖြတ်ချက်ချထားတာတော့ ကျောင်းပြီးသွားရင် အလုပ်လုပ်မယ် ။ အနုပညာတွေဘာတွေလဲမစဉ်းစားဘူး ။ ကိုယ့်ဘာသာကိုယ်ပဲလွတ်လွတ်လပ်လပ်နေမယ် ။ ကိုယ်ရတဲ့ အလုပ်ကိုပဲကိုယ်အောင်မြင်အောင်လုပ်ရမှာပေါ့ ။ စင်ကာပူမှာပဲဆက်နေဖြစ်ပါမယ် ။ ကျွန်တော့ညီမလေး ဆည်းလည်းက အနုပညာအလုပ်လုပ်ချင်တော့လည်း လုပ်ပေါ့ ။ ကျွန်တော်တားတာမျိုးတော့မရှိဘူး ။ အကူအညီလိုတော့လည်း ကျွန်တော်ကအကိုအကြီးဆုံးဆိုတော့ သူလိုအပ်တဲ့ အချိန်မှာအကူအညီပေးရမှာပေါ့ ။ အမေ့ကိုကျတော့ ကျွန်တော်ကျောင်းပြီးမှပဲပြန်ထောက်ပံရမှာပေါ့ ။ အခုကျောင်းမပြီးခင်နောက်တစ်နှစ်လောက်ကတော့ စာပဲဆက်လုပ်ရမှာပေါ့ " လို့ Popular Journal မှာဖြေဆိုထားတာဖြစ်ပါတယ် ။ 

သတင်းအရင်းမြစ် Popular Journal and wai yan moe