ပရိသတ်အတွက် တာဝန်ကျေပွန်တဲ့ သရုပ်ဆောင်တစ်ဦးဖြစ်ချင်တဲ့ ပိုင်ဖြိုးသု

လတ်တလောမှာ ပရိသတ်ကြိုက်နှစ်သက်တဲ့ မင်းသမီးတွေအထဲမှာတော့ သရုပ်ဆောင်ပိုင်ဖြိုးသုလည်းပါဝင်ပါတယ်။သူမကိုတော့ ဗိုလ်အောင်ဒင် ရုပ်ရှင်ဇာတ်ကားဟာဆိုရင်ဖြင့် လူသိများခဲ့တယ်ဆိုလည်းမမှားပါဘူး။အဲဒီကားထဲမှာလည်း ချစ်စရာကောင်းတဲ့ အမူအရာတွေနဲ့ သရုပ်ဆောင်မှုတွေကို ပရိသတ်အကြိုက်တွေ့စေခဲ့တာပါ။အနုပညာပျိုးခင်းရဲ့စင်တင်မင်းသမီးတစ်လက်ဖြစ်တဲ့ပိုင်ဖြိုးသုကတော့ ရုပ်ရှင်ဇာတ်ကားကြီးတွေကိုလည်းရိုက်ကူးနေတယ်လို့သိရပါတယ်။နောက်ထပ်လည်း ကိုယ်တိုင်ဦးဆောင်ရိုက်ကူးဖို့ဇာတ်ကားတွေစီစဉ်နေတယ်လို့လဲသိရပါတယ်။

"ကိုယ်တိုင်ဦးဆောင်ပြီး ရိုက်ကူးဖို့စီစဉ်ထားတာ နှစ်ကားရှိပါတယ်။တစ်ကားက ဒါရိုက်တာ ကိုသားညီနဲ့ ရိုက်ဖို့စီစဉ်ထားပါတယ်။အဲဒီဇာတ်ကားလေးက ကျောင်းသား လူငယ်ဇာတ်လမ်းလေးပေါ့။တက္ကသိုလ်ကို ပြန်လွမ်းပြီး ရိုက်ကူးရမယ့်ဇာတ်ကားပေါ့။နောက် တစ်ကားကတော့ ဆရာမကြည်အေး ဝတ္တု ကို ဒါရိုက်တာ ကိုသားကြီးနဲ့ ရိုက်ကူးဖို့စီစဉ်ထားပါတယ်။ညီမကြိုက်တဲ့ ဇာတ်တွေပါ။ညီမကိုယ်တိုင်ပါဝင်သရုပ်ဆောင်မယ်။နောက်ပြီး တခြားActorကြီးတွေလည်း ပါဝင်ပါမယ်။အဲဒီလိုဇာတ်ကားတွေကိုတော့ Actorတွေကအစ ညီမကိုယ်တိုင်ပဲ လိုက်ဆက်သွယ်ရမယ်။ရိုက်ကူးခွင့်ရတဲ့ ရုပ်ရှင်ဇာတ်ကားတိုင်းမှာတော့ ပရိသတ်အတွက် တာဝန်ကျေတဲ့ သရုပ်ဆောင်တစ်ယောက်ဖြစ်အောင် ကိုယ်စွမ်း၊ဥဏ်စွမ်းရှိသလောက်အစွမ်းကုန်ကြိုးစားပြီး သရုပ်ဆောင်ပါ့မယ်"လို့ ပြောပါတယ်။

"ကိုယ်ပိုင်Actorအနေနဲ့ပဲ လုပ်ရတဲ့ဇာတ်ကားတွေက ကိုယ်သရုပ်ဆောင်မယ့်ကာရိုက်တာတစ်ခုပဲ စိတ်ထဲထည့်ရတယ်။ကိုယ်တိုင်ဦးဆောင်ရိုက်ကူးတဲ့ ဇာတ်ကားကြတော့ ညီမအတွက် Pressureပိုများတယ်။ကိုသားညီနဲ့ ဇာတ်ကားက ၉လပိုင်းလောက်ရိုက်ကူးဖြစ်မှာပါ။ကိုသားကြီးနဲ့ရိုက်ကူးမယ့် ဇာတ်ကားကတော့ ၁၁လပိုင်းလောက် ရိုက်ကူးဖို့စီစဉ်ထားပါတယ်"လို့သိရပါတယ်။

သတင်းအရင်းမြစ် ေဇာ္၀င္းေအာင္